[yossarian]

Wia i grad im Privatradio von der CSU, dem Bairischen Rundfunk, ghört hab, herrscht bei uns in BY noch Zucht und Ordnung. In a paar von de andern Länder derfan Lesbische, Geschiedne, Schwule und andre Säu zukünftig in am bistumseigenen Kindergartn oda Krankenhaus arbatn. In Baiern gibt´s des net. Da werd a settana Saubär glei automatisch rausgschmissn. Kinderschänder und Betrüger, de wo andere ums Geld bracht ham, san von so oana Regelung ned betroffen. Aa bei Puffgänger drückt ma in de bairischen Bistümer gern a Aug zua und sagt: koa Problem ned. Dann kimmst oafach zum Beichtn, dann machma dei arme Seel wieda sauba. Und dann sagst dem Pfarra no, ob des Weiberts guat war und wo´s arbeitn tuat, damit er si persönlich um de kümmert.