Zwoa Buam spuin Fuaßboi. Aaf oamoi kimmd a Rottweiler und beißt dem oana in Haxn nei. Da andane Bua nimmt an Stecka, schiabd nan ins Hoisbandl vo dem Hund und drahd um. Dabei brichd a dere Bestie as Gnack und hi issa.
A Zeidungsrepoata kimmd grod voabei, hod des Ganze verfoigt und schreibt in sein Klapprechna (Notebook für Nicht-Bayern):
„Bayern-Fan rettet durch Heldentat einen Kollegen, der von einer wilden Bestie angegriffen wurde.“
Draf der Bua: „I bin owa goa koa Bayern-Fan!“
Dou schreibt da Repoata: „Haching-Fan befreit Bekannten von einem gefährlichen Untier.“
Draf der Bua wieda: „ I bin a goa koa Haching-Fan!“
„Wos bisdn nacha?“, frogt da Repoata.
„A 60er- Fan“, sogt da Bua.
Draf schreibt da Repoata: „Randalierender Giesinger erwürgt Hundewelpen!“
|